• O duelo entre o rider australiano e o francés perfílase como un dos máis interesantes dos cuartos de final da competición de Longboard masculina
• Na sesión de tarde, continúa disputándose a ronda de cuartos de final na categoría feminina.
Preséntanse como apaixonantes os cuartos de final da categoría masculina da competición de Longboard no ABANCA Galicia Classic Surf Pro, pertencente ao calendario do World Longboard Championship Tour, que se están desenvolvendo na praia de Pantín (Valdoviño, Ferrolterra, provincia da Coruña).
Os duelos entre Harrison Roach (Australia) e Edouard Delpero (Francia), así como o que medirá ao hawaiano Kaniela Stewart e o estadounidense Jason Quintal, son a priori os máis atractivos desta ronda.
Roach, terceiro na clasificación do Mundial, venceu fronte ao peruano Lucas Garrido (13,10 – 9,93), mentres que Delpero (noveno) fixo o mesmo ante o estadounidense Tony Silvagni (quinto clasificado) (13,03 – 10,65).
Pola súa banda, Kaniela Stewart resultou gañador na súa manga fronte ao terceiro cabeza de serie, Tony Jensen (Estados Unidos), demostrando que chegou nun gran estado de forma á cita galega (13,00 – 10,47).
O líder do Mundial, Justin Quintal, cortou a traxectoria ascendente do español José Luis Berasaluce, que se converteu na revelación nas dúas xornadas anteriores (11,20 – 10,47).
Outro dos riders que está a ofrecer unha gran versión, é o brasileiro Jefson Silva, que avanza na competición á conta do seu compatriota Gabriel Nascimiento (13,57 – 8,56).
A outra sorpresa da xornada foi a que deu o australiano Jack Entwistle ao acabar primeiro na súa manga fronte a Antoine Delpero (Francia), ao que arrebatou o paso no último minuto (12,96 – 12,00).
Na manga final, o xaponés Taka Inoue impúxose a Cole Robbins (Estados Unidos) por un tenteador acumulado de 13,17 a 12,64.
Desde as 16:30 horas aproximadamente, están a disputarse as mangas correspondentes aos cuartos de final da competición feminina.
APOIO: ABANCA Galicia Classic Surf Pro conta coa colaboración institucional de Xunta de Galicia (Turismo de Galicia, Xacobeo 2021, Deporte Galego, Galicia Calidade, Secretaria Xeral de Igualdade, Conselleria de Medioambiente), Deputación de A Coruña, Concello de Ferrol, Concello de Valdoviño, Sociedad Mixta de Turismo de Ferrol, Costa das Ondas y Federación Galega de Surf, así como as firmas ABANCA, ESTRELLA GALICIA, CABREIROA, HOSPITAL QUIRON, INTERMAX, VOLKSWAGEN YAÑEZ, TAGHEUER, JOYERIA JAEL, SIROKO,GADIS, GAM, ITG Y VAZVA.