Unha final rifada con varias ondas de 9 puntos entre fortes refachos de vento deu a vitoria ao portugués por diante do campión europeo do WSL 2024, Edouard Delpero
Na final feminina, Grospiron impúxose á campioa europea Alice Lemoigne, a francesa Canelle Lebreton e unha novísima Ginger Caimi, de 12 anos
Ferrol (A Coruña) — O surfeiro portugués Antonio Dantas (Estoril, 2003) e a francesa Zoé Grospiron (Biarritz, 2000) de 24 anos, proclamáronse hoxe campións do Gadis Longboard Festival da WSL celebrado esta fin de semana en Ferrol.
Para Dantas, que contou co favor do público, foi a súa primeira vitoria no WSL (World Surf League) mentres que Zoé Grospiron tivo o respaldo do numeroso público francés que se desprazou ao evento, e que tamén aplaudiu a destacada acción dunha novísima surfeira italiana de longboard, Ginger Caimi, e afincada en Fuerteventura, que con tan só 12 anos logrou deixar atrás aos seus rivais nas mangas previas e colocouse na súa primeira final.
O terceiro escalafón do podio ocupárono dous franceses: Roland Lefeuvre e Canelle Lebreton, e en segundo lugar Edouard Delpero e Alice Lemoigne. O mesmo campionato tamén lle serviu a francés Martin Coret -4 na final do Gadis Longboard- para gañarse un billete ao campionato do mundo de longboard, un pasaporte que finalmente non lograron os dous españois con opcións (e un bo papel na competición) como Nicolás Andrade e Jon Garmendia.
Entre as mozas, Julieta Rodríguez (Cádiz) foi a española que logrou un mellor papel, con tan só 14 anos, cun extenso palmarés para a súa curta idade con varios campionatos no seu haber.
Ademais, a liga Mundial de Surf proclamou aos seus campións do circuíto europeo do 2024 que foron a mans de dous veteranos como Alice Lemoigne (Illas Reunión, 1996) -que suma o seu noveno título- e Edouard Delpero (Marsella, 1990), que agradeceu o apoio do seu irmán, tamén surfeiro recoñecido, Antoine e o bo desenvolvemento do evento en Galicia.
As semifinais e finais da primeira proba da liga Mundial de Surf (WSL) en Galicia disputáronse na xornada deste sábado 15 para aproveitar as condicións do mar e a marea, nun día cunha climatoloxía moi difícil para un surf de calidade, con fortes refachos de vento, revolto e desordenado.
A final feminina optou pola zona dereita da Fragata, unha elección con menor recompensa en ondas e puntuacións que os seus compañeiros homes, que elixiron a parte esquerda, nunha traca final moi dinámica e puntuacións elevadas (9,27 para Delpero), a pesar de que a forza na beira complicaba a finalización.
Na entrega de premios participaron a delegada territorial da Xunta en Ferrol, Martina Aneiros, o concelleiro de Deportes de Ferrol, Ricardo Aldrey, a deputada provincial Rosana García, responsable de Emprego, ademais de Lucía Santos, de Gadisa e Julio Mouriño, de Intermax.
Gran resposta do público durante a fin de semana, a pesar de que o clima non mostrou a súa cara máis amable, permitiu gozar da zona de lecer, sorteos e foodtrucks, mentres que o Espazo Corresponsables da Consellería de Igualdade da Xunta funcionou a pleno rendemento con máis de 50 menores entre 4 a 16 anos que se animaron a deslizarse pola pista de skate e distintas actividades lúdicas de lecer activo.
O broche de ouro á entrega de premios e ao final da competición, correu por conta da banda local La Indirigible. A zona de eventos do cámping de As Cabazas permanecerá aberta durante a xornada do domingo 16.