Close
A praia de Pantín figura incluída dentro dunha Zona de Especial Conservación da Rede Natura 2000, dentro do espazo denominado Costa Ártabra. Estamos nun espazo natural protexido de alto valor ecolóxico pola calidade e boa conservación dos seus fondos mariños arenosos, os seus cantís, as súas zonas intermareales, a súa praia e sistema dunar.
Dado que o espazo Natura 2000 Praia Pantín figura sectorizada, en función dos seus valores, en diferentes unidades de xestión. O seu sistema dunar conxunto, dada a súa fraxilidade ambiental, figura incluída como “AREA DE PROTECCIÓN”, e por tanto con usos na parte superior da mesma moi restrinxido. A praia figura como “AREA DE CONSERVACIÓN”, na que son permitidos máis usos, basicamente o de lecer e de baño.
Eventos como a organización do ABANCA Pantín Classic Galicia Pro requiren autorización ambiental para a súa celebración.
Queremos esforzarnos porque este campionato sexa exemplar, tamén, no respecto polo medio natural no que se celebra a proba.
Nesta e nas seguintes edicións imos facer un esforzo extra para introducir medidas de compromiso ambiental que permitan preservar mellor a contorna protexida de Pantín, á vez que a proba sirva como elemento de DIVULGACIÓN e SENSIBILIZACIÓN da necesidade de protexer os sistemas dunares e a riqueza ecolóxica que albergan.
QUEREMOS QUE A XXXIII DO PANTIN CLASSIC continúe sendo referente dun evento de surf recoñecido internacionalmente polo seu COMPROMISO COA CONSERVACIÓN E A BIODIVERSIDADE e como EXEMPLO DEMOSTRATIVO DE COMO O SURF PODE AXUDAR NA PROTECCIÓN DOS ESPAZOS DUNARES E COSTEIROS DE GALICIA.
– Desde xa traballamos para achegar o noso gran de area para que na próxima primavera a PÍLLARA DAS DUNAS críe con normalidade no areal de Pantín, e involucrarnos nas medidas de divulgación que contempla o Plan de Conservación desta especie en Galicia.
– Promoveremos a declaración e sinalización dunha Microreserva de flora ameazada dentro do sistema dunar de Pantin, que poña especial atención en protexer as poboacións de especies ameazadas e en perigo que se atopen nela.
– Queremos que o ABANCA Pantín Classic Galicia Pro sexa un elemento de sensibilización da necesidade de preservar os sistemas dunares.
LEMBRE: Prohíbese o acceso ás dunas fóra dos lugares autorizados para viaxar. Non está permitido arrincar plantas, nin molestar á fauna silvestre.
UN COMPROMISO: Axude a que o ABANCA Pantín Classic Galicia Pro sexa exemplar na protección da biodiversidade que alberga. Respecte a sinalización, e sitúese nos lugares autorizados para observar a proba, pero NUNCA NO ALTO DAS DUNAS, NIN CRUCES AS DUNAS.
COLABORA co voluntariado ambiental do ABANCA Pantín Classic Galicia Pro e coas súas actividades.
SE ES AMANTE DO SURF TRANSMITE SEMPRE ESTE COMPROMISO A TODAS AS PRAIAS QUE VAIAS.
MOITAS GRAZAS POLA VOSA COLABORACIÓN, GOZAR DESTA EDICIÓN DO PANTÍN CLASSIC PRO, E PRESUMIR DE CONTAR CUNHAS PRAIAS CUNHA CONTORNA ÚNICA QUE FAI QUE O SURF SEXA, SE CABE, UNHA ACTIVIDADE MÁIS FANTÁSTICA.
