30 Xuño, 2021

LUCÍA MACHADO E ALYS BARTON DESTACAN O PRIMEIRO DÍA DO ABANCA PANTÍN CLASSIC GALICIA PRO 2021

    • Alys Barton obtivo a mellor onda da súa categoría e Lucía Machado acadou a mellor puntuación total do día.
    • Hoxe mércores 30 continúan as actividades no local.

ABANCA PANTÍN CLASSIC GALICIA PRO 2021, un evento das Qualifying Series da World Surf League (WSL) pechou a xornada de onte, primeiro día de competición, con grandes actuacións ao final da segunda volta na categoría feminina.
 
A surfeira británica, Alys Barton, gañou a mellor onda da súa categoría con 7,67 puntos sobre 10, seguida de preto polo vasco Mikele Beato, con 7,17, e a española Melania Suárez, con 7,07 e Lucía Machado, cun 7,23, que, ademais, obtivo a mellor puntuación acumulada do día con 14,23 puntos totais.
 
A próxima convocatoria está prevista para mañá xoves 1 ás 14:00h para as categorías masculina e feminina, para a disputa da cuarta rolda para homes e a terceira para mulleres.

Pero a actividade no ABANCA PANTÍN CLASSIC GALICIA PRO 2021 non cesa. Os máis de 5.000 asistentes que xa pasaron polo recinto xa gozan da variedade de Food Trucks, a terraza Red Bull e o Estrella Galicia Space, coas mellores vistas á praia de O’Rodo.

Ademais, as clases de skate de Northside comezaron ao mediodía na rampla instalada e xa abriu a tenda oficial ABANCA, coa colección exclusiva de roupa para o evento, realizada pola deseñadora de Valdoviño Ana Pena.

Así mesmo, a partir das seis da tarde comezarán no stand de Eco-Lóxica Cabreiroá diversas presentacións e obradoiros sobre sensibilización ambiental e riqueza da costa galega, xunto coa proxección das curtametraxes Dandoy e Unnur.

MIKELE BEATO / PHOTO: WSL - MASUREL.