O  QS/10.000 masculino empeza forte con  Matt Wilkinson e  Michael February

  • O australiano e o surafricano, ambos os ex  CT, pasaron a primeira ronda, tras acabar primeiro e segundo respectivamente na súa manga 
  • A número 8 do  CT,  Tatiana  Weston-Web cae eliminada na ronda 3 do  QS/10.000 feminino do ABANCA Galicia Classic Surf Pro
  • Amuro  Tsuzuki marca a pauta e consegue a ‘Mellor puntuación acumulada do día’ con 16,33 puntos na competición feminina

O  QS/10.000 masculino comezou este luns (2 de setembro), coa participación de dous ex competidores do  Championship Tour ( CT),  Matt Wilkinson (Australia) e Michael  February (Sudáfrica), que lograron meterse na primeira ronda. A cita está a disputarse na praia de Pantín (Valdoviño, Ferrolterra, provincia da Coruña) e pertence ao circuíto da World Surf  League. 

February / WSL - Masurel
February / WSL – Masurel

Ambos os surfeiros coincidiron na manga, pasando o australiano como primeiro, cunha puntuación de 12,30 puntos, mentres que o surafricano foi segundo, cun total de 11,56 puntos. 

Cabe apuntar que tamén pasaron a segunda ronda competidores da relevancia dos hawaianos  Keanu  Asing (ex  CT),  Joshua  Moniz e  Dusty  Payne (ex  CT), o brasileiro Samuel  Pupo e o peruano  Lucca  Mesinas (xa clasificado para a disputa dos Xogos Olímpicos de  Tokyo 2020). 

En canto á actuación dos españois, Rubén Vitoria logrou ser o primeiro na súa manga, polo que meteuse na clasificación para a seguinte ronda. Non poden dicir o mesmo Miguel Pérez – Moneo e  Jatyr  Berasaluce, gañadores das ‘ wildcards’ dos Triais de  Doniños, que foron eliminados. 

En canto aos resultado da xornada, a ‘Mellor onda do día’ foi para o australiano Jackson Baker, con 9,27 puntos, e a ‘Mellor puntuación acumulada nunha manga do día’ foi para o  neozelandés Elliot  Paerata-Reid, cun total de 16,83 puntos. 

Boa actuación de  Tsuzuki, no  QS/10,000 feminino

A xaponesa  Amuro  Tsuzuki perfílase como unha das rivais para bater dentro do  QS/10,000 feminino. 

Tsuzuki foi capaz de vencer ante a francesa  Johanne  Defay (10ª no  CT), nun duelo que resultou apaixonante. Ambas as competidoras conseguiron unha onda de 9,00 puntos, pero a nipoa foi capaz de complementala cunha onda de 7,33, o que lle valeu conseguir a ‘Mellor puntuación acumulada do día’ e da competición, cun total de 16,33 puntos. 

A gran sorpresa da ronda 3 foi a eliminación da número 8 do  CT,  Tatiana  Weston- Webb. A brasileira non puido derrotar á australiana  Macy  Callaghan (16ª do  CT), que tamén está a realizar un bo papel na cita galega. 

Así,  Amuri  Tsuzuki medirase a brasileira  Silvana Lima (13ª no  CT), mentres que  Macy  Callaghan cruzarase coa australiana  Isabella  Nichols (1ª no  QS).

O resto de emparellamentos de cuartos de final é:  Bronte  Macaulay (11ª no  CT, Australia) –  Philippa Anderson (Australia) e Chelsea  Tuach ( Barbados) –  Sage  Erickson (2ª no  QS, Estados Unidos).

Quedaron fóra da competición, á parte de  Weston- Webb e  Johanne  Defay, as australianas Sophie  McCulloh e  Keely Andrew; as xaponesas  Ren  Hashimoto e Sara  Wakita; a estadounidense  Alyssa Spencer e a costarriqueña Brisa  Henessy. 

A previsión das condicións para a xornada deste martes (3 de setembro) é boa. A chamada para a categoría masculina, está fixada para as 10:00 horas, e para a categoría feminina, será ás 13:00 horas. 

ABANCA Galicia Classic Surf Pro conta co apoio institucional de Xunta de Galicia (Turismo de Galicia, Xacobeo 2021, Deporte Galego, Galicia Calidade, Secretaria Xeral de Igualdade, Conselleria de Medioambiente), Deputación de A Coruña, Concello de Ferrol, Concello de Valdoviño, Sociedad Mixta de Turismo de Ferrol, Costa das Ondas y Federación Galega de Surf, así como as firmas ABANCA, ESTRELLA GALICIA, CABREIROA, HOSPITAL QUIRON, INTERMAX, VOLKSWAGEN YAÑEZ, TAGHEUER, JOYERIA JAEL, SIROKO, GADIS, GAM, ITG Y VAZVA.

Deixa un comentario