O cartel de participantes deste 2019 non pode ser máis atractivo. A nova puntuación da proba propiciou que algúns dos surfeiros que se están a xogar o descenso do ‘ Championship Tour’ ( CT) (máxima categoría mundial), quixesen estar presentes en busca dun resultado que lles permita escalar posicións.
Adriano de Souza será unha das referencias dentro da lista de inscritos. O surfeiros brasileiro foi nada menos que campión do mundo en 2015 pero debido a unha lesión de xeonllo, afastouse da alta competición durante unha tempada.
Riders da talla do francés Joan Duru (24º no CT) ou o propio Yago Doura (25º no CT) tamén estarán presentes na cita galega. Un dos surfeiros máis mediáticos do momento, Jack Freestone (25º no CT); o estadounidense Griffin Colapinto (28º no CT), e o hawaiano Ezekiel Lau (28º no CT), completan o grupo de participantes do CT. Ademais, o australiano Matt Wilkinson repite de novo este ano.
Na outra cara da moeda, na pelexa polo ascenso desde o QS, atópase o líder desta competición, o francés Jorgann Couzinet (1º no QS), así como o australiano Jack Robinson (17º no QS). En ambos os casos, demostraron durante a tempada un alto nivel, que lles permitirá ser uns rivais a ter en conta para os participantes que se atopan no CT.
Sendo en Galicia, hai que mencionar ao mellor surfeiro español, Aritz Aranburu (50º no QS). O vasco, que xa gañou a por entón Pantín Classic en 2011, fará gala do seu surf técnico e potente, nunha onda que coñece á perfección.
A proba do circuíto da World Surf League ( WSL), que é un dos dous únicos dobres QS/10.000 (categorías masculina e feminina) do calendario, disputarase entre os días 28 de agosto e 7 de setembro, na praia de Pantín (Valdoviño, Ferrolterra, A Coruña).