O ABANCA Galicia Classic Surf Pro é algo máis que unha proba deportiva. Ao redor do evento preséntanse diferentes escenarios vinculados á música, o lecer e a ecoloxía.
Con todo, hai que apuntar a achega do Instituto Tecnolóxico de Galicia, partner tecnolóxico oficial da competición, implementou para a cita de Pantín (Valdoviño, Ferrolterra, provincia da Coruña) a tecnoloxía necesaria par que por primeira vez, os surfeiros leven un dispositivo integrado en licra que facilita a organización e que permite medir diferentes parámetros durante a súa participación.
Están a usar a nova versión da tecnoloxía Flythings® desenvolta por ITG analiza 180 parámetros por segundo de forma totalmente automatizada e achega información de valor para o público, o deportista, os xuíces e a organización do campionato
Que é FlyThings®?
É a solución de telemetría para o surf e o deporte profesional desenvolta polo Instituto Tecnolóxico de Galicia ( ITG). Permite medir en tempo real valores relacionados co esforzo, a habilidade e a destreza do deportista durante a competición.
Consiste nun dispositivo de hardware integrado na licra que proporciona a organización a todos os surfeiros. Ten un peso de 90 gramos e unhas dimensións de 10x5cm, e contén diferentes sensores que se comunican cun software que representa sobre o sinal de televisión do campionato os valores que alcanza o deportista en cada unha das súas manobras.
Que mide FlyThings®?
Datos obxectivos en tempo real que permiten comparar a actuación de cada participante:
- a velocidade do surfeiro (instantánea, media e máxima)
- a distancia percorrida (instantánea e total)
- a forza G coa que se realiza cada xiro ou manobra
- a velocidade de rotación coa que se realiza cada xiro ou manobra
- o número de ondas surfeadas e
- o número de manobras realizadas
Sobre ITG
O Instituto tecnolóxico de Galicia ( ITG) é unha fundación privada sen ánimo de lucro que desde 1991 ten como obxectivo mellorar a capacidade competitiva das empresas, organizacións e profesionais a través da I+D+i e tecnoloxía diferencial. Recoñecido oficialmente como Centro Tecnolóxico Nacional, o seu Director Xeral, Carlos Calvo, preside a Federación Española de Centros Tecnolóxicos de España ( FEDIT) desde o ano 2015.
O Internet das Cousas ( IoT), Bigdata, Industria 4.0, sistemas intelixentes non tripulados, Realidade Aumentada ou Intelixencia Artificial son as ferramentas de traballo de ITG nos sectores industrial, enerxético, ciclo da auga e edificación, onde é o organismo certificador en España do selo internacional BREEAM® de construción sustentable, e partner oficial do selo internacional WELL™ de saúde nos edificios.