- A praia de Pantín (Valdoviño, Ferrolterra, provincia da Coruña) albergará este sábado (7 de setembro), entre as 17:00 e as 18:00 horas aproximadamente, a manga polo título
- Antes disputaranse as rondas de cuartos e semifinal da competición masculina. O evento péchase coa música do ‘Pantín Soundwave Son’
Espectáculo garantido o que se poderá ver este sábado (7 de setembro) na praia de Pantín (Valdoviño, Ferrolterra, provincia da Coruña), coa disputa da final do QS/10,000 masculino do ABANCA Galicia Classic Surf Pro. A organización da cita galega, incluída no circuíto da World Surf League, prevé que a hora de comezo sexa a partir das 17:00 horas, aproximadamente.
Antes, desde as 13:00 horas, disputaranse as mangas correspondentes a cuartos de final, que teñen os seguintes emparellamentos: Jadson Andre (29º do Championship Tour ( CT), Brasil) – Matt Banting (7º do QS, Australia); Jake Marshall (Estados Unidos) Caleb Tancred (Australia); Matthew McGillivray (Sudáfrica) – Morgan Cibilic (Australia) e Miguel Pupo (23º do QS) – Nomme Mignot (Francia).
Os oitavos de final
Durante os oitavos de final, o brasileiro Jadson Andre abriu a ronda de oitavos de final cunha notable actuación ante o francés Timothee Bisso, logrando o seu pase a cuartos, coa ‘Mellor puntuación acumulada nunha manga’ da competición (17,33 puntos) e facendo unha onda de 9,33 puntos, a segunda mellor do campionato ata a data.
Pola súa banda, o australiano Matt Banting foi capaz de eliminar ao 28ª clasificado do CT, o brasileiro Jesse Mendes, completando unha manga moi regular con dúas ondas 8,33 e 8,00 puntos (16,33 puntos no total).
O estadounidense Jake Marshall meteuse en cuartos, despois de gañar o seu emparellamento co portugués de Frederico Morais.
As sorpresas déronas o australiano Caleb Tancred e o surafricano Matthew McGillivray, que resultaron gañadores ante dous dos riders que se perfilaban como candidatos ao triunfo, o brasileiro Deivid Silva (16º no CT) e o australiano Jack Robinson (18º do QS).
O australiano Morgan Cibilic foi o encargado de eliminar ao brasileiro Alex Ribeiro (ex do CT); mentres que Miguel Pupo venceu no seu emparellamento co francés Charly Martin, e o galo Nomme Mignot gañou ante Miguel Pupo (Brasil).
O Pantín Soundwave Son pecha o evento
O Pantín Soundwave Son servirá como peche do ABANCA Galicia Classic Surf Pro. O escenario Estrela Galicia converterase no centro do entretemento coas actuacións de Mario Azurza (20:00-23:00 horas) e Rocío Saiz dj ( Chillers/ Monterrosa), que poñerán o ritmo e a música nas instalacións da praia de Pantín.
O resto de áreas do festival como os ‘ foodtrucks’ e as casetas de Estrela Galicia estarán dispoñibles para que os asistentes poidan degustar diferentes tipos de comidas e bebidas.
ABANCA Galicia Classic Surf Pro conta co apoio institucional de Xunta de Galicia (Turismo de Galicia, Xacobeo 2021, Deporte Galego, Galicia Calidade, Secretaria Xeral de Igualdade, Conselleria de Medioambiente), Deputación de A Coruña, Concello de Ferrol, Concello de Valdoviño, Sociedad Mixta de Turismo de Ferrol, Costa das Ondas y Federación Galega de Surf, así como as firmas ABANCA, ESTRELLA GALICIA, CABREIROA, HOSPITAL QUIRON, INTERMAX, VOLKSWAGEN YAÑEZ, TAGHEUER, JOYERIA JAEL, SIROKO, GADIS, GAM, ITG Y VAZVA.