A elite do surf internacional chega do 25 ao 29 de xuño cun evento único que une deporte, música, medio ambiente e cultura urbana.
As Cabazas converterase nunha festa do surf: cinco días de adrenalina, espectáculo na auga e experiencias inesquecibles: campionato internacional de surf, concertos, foodtrucks, zona market, bautismos de surf e skate e un campionato de skate con premios en metálico.

Como novidade deste ano, o campionato dá un salto cualitativo ao incorporar a celebración dunha proba do circuíto mundial Junior WSL JQS 1.000, que se sumará á tradicional competición internacional de Longboard LQS 1.000, a modalidade máis clásica e elegante do surf.
A estas dúas probas internacionais súmanse tamén uns trials galegos, nos que deportistas da nosa comunidade poderán acadar os desexados wildcards (2 rapaces e 2 rapazas) que lles darán acceso directo á competición principal cos mellores do mundo.

A celebración do “Gadis Surf Festival Ferrol” coincide coa reapertura do Camping As Cabazas, situado nas proximidades.

Na pasada edición, foron varios milleiros de persoas as que se achegaron a este campionato que vai moito máis alá da competición deportiva.

– Concertos en directo con actuacións de artistas e bandas que poñerán ritmo ao espectacular solpor que se desfruta dende esta localización. Destaca a esperada actuación de Smile, a banda indie rock orixinaria de Getxo que xera un auténtico ambiente de festa en todos os seus concertos.

– Zona market con produtos artesáns e únicos, tatuaxes, moda surf, xoiería artesanal sustentable e marcas locais.

– Oferta gastronómica na zona de foodtrucks.

– Bautismos de surf e skate gratuítos para quen queira iniciarse nestes deportes con monitores especializados.

– E como gran novidade, un Campionato de Skate que atraerá riders de toda a rexión, con premios en metálico e exhibicións de alto nivel.

NOVIDADES GADIS SURF FESTIVAL FERROL